Alkatearen agurra
Urteko une jakin batzuetan denok elkartzen gara, Muskizen bizi ala ez. Aurten ere, San Juan jaiek gure kale eta plazetara eramango gaituzte, tradizioa, topaketa eta, batez ere, ondo pasatzeko gogoa nahasten dituen giro horrekin.
Agur osoa irakurri
Partekatzeko, berriz elkartzeko eta guztion artean herria egiten jarraitzeko egunak izango dira.
Udalak pertsona orok bere lekua izateko egitaraua prestatu du: musika, familia-jarduerak, kultura, kirola, kuadrillak, gastronomia eta giro bikaineko gau luzeak. Jai irekiak, biziak eta parte-hartzaileak izango dira, bizilagun zein bisitariei Muskizen bertsio onena gozatzeko aukera emango dietenak.
Dakizuenez, jarduera bakoitzaren atzean hilabeteetako lana eta inplikazioa daude. Horrexegatik, modu berezian eskertu nahi dut Jai Batzordearen, elkarteen, kolektiboen eta udal langileen ahalegina, haiei esker San Juan jaiek hazten jarraitzen dutelako urtez urte, berezko herri esentzia galdu gabe.
Jaiak bete-betean bizitzera gonbidatzen zaituztet, alaitasunez eta arduraz. Jarrai dezagun erakusten Muskizek badakiela ondo pasatzen, errespetuan, bizikidetzan eta elkarren zaintzan oinarrituta, gure kaleak guztiontzako espazio seguru eta abegikor bihurtu daitezen.
Gora Donibaneko jaiak, gora Muskiz!
Edu Briones Lerchundi
Muskizko alkatea
